Academic Advising

AL Mathematics – Pearson Edexcel

هنشرح  كل التفاصيل ال تهمك لو مسجل او هتسجل AL Mathematics – Pearson Edexcel

أولاً لازم نكون عارفين محتويات المادة. المادة تنقسم لمستويين

‏AS , A2

 

كل مستوى بيكون متقسم لكذا ورقة امتحان،

‏AS Level:

اجباري تدرس ورقتين

(‏Pure Mathematics 1 (P1

(‏Pure Mathematics 2 (P2

و بتختار ورقة تالته من الاختيارات دي

(‏Mechanics 1 (M1

(‏Statistics 1 (S1

(‏Decision mathematics 1 (D1

علماً ان التلات ورقات عليهم نفس الوزن من الدرجة الاجمالية.

 

‏A2 Level

اجباري تدرس ورقتين

‏(Pure Mathematics 3 (P3

(‏Pure Mathematics 4 (P4

و بتختار ورقة تالته من الاختيارات دي

(‏Mechanics 2 (M2

(‏Statistics 2(S2

(‏Decision mathematics 1 (D1

 

بس خد بالك ان لازم لو هتاخد ال ALevel كامل تكون محقق الاربع ورقات الالزاميين و معاهم

‏M1+S1 or M1+D1 or M1+M2 or S1+ D1 or S1+S2

ثانياً: ايه هي مميزات Pearson Edexcel International ALevel

القدرة على توزيع ورقات الامتحان على كذا محاولة و ان في حالة اعادة ورقة بتكون لوحدها مش المادة كلها AS/A2.

يعني ممكن تمتحن الAS

‏P1+P2 —> January

‏M1/S1/D1 —> June

و لو احتاجت تحسن ورقة هتحسنها لوحدها و طبعاً اي سيناريو تقسيم ورقات بيكون بالتنسيق مع المدرس بتاعك.

و الميزة التانيه: مش لازم يكون دراسة الAL محكومه بمدة زي كامبريدج ال بتشترط ١٣ شهر بين دراسة الAS و الA2

 

ثالثاً: ازاي ببتظبط الCurve و احنا بنقسم المواد على محاولات كتير؟

كل ورقة بيكون ليها درجة الطالب الحقيقية فيها و دي اسمها Raw Mark من 75

و عشان الدرجة دي تتناسب مع صعوبة كل الامتحانات في السنين الفاتت بيتم تعديلها هتكون من 100 و تستخدم في اي وقت بعد كده و انت مطمن ان مش فارقه انت امتحنت امتى.

 

رابعاً: ازاي بيطلع لي نتيجة؟

و انت بتسجل اخر ورقة في المستوى بتطلب عمل cash-in-code و دا معناه جمع درجات الورق ال انت امتحنته.

طب لو انا امتحنت حاجة و حسنتها هيتحسب انهي نتيجة؟ بيتحسب اعلى نتيجة في اخر محاولتين ليك.

 

الCash-in-code

‏AS Level : XMA01 دا الكود بتاعها

و دا بيتم تسجيله من المدرسة لما انت تطلب و عايز يجيلك في النتيجة مجموع درجات الAS

‏ALevel: YMA01

و دا بيتم تسجيله لجمع درجات كل الورق الى انت امتحنته في المادة دي.

يحصل ايه لو معملتش Cash-in-Code

بيطلعلك statement of results مفيهاش درجة للمادة كلها. الدرجات بتكون للورق ال انت امتحنته بس.

 

خامساً: ازاي اجيب A*

في كل ورقة مطلوب منك تجيب الدرجات دي عشان الgrades دي في ورقة الامتحان نفسها

‏A 80/100

‏B 70/100

‏C 60/100

‏D 50/100

‏E 40/100

 

و عشان تجيب grade في ال AS

مطلوب منك تجيب من 300

‏A 240/300

‏B 210/300

‏C 180/300

‏D 150/300

‏E 120/300

 

و عشان تجيب grade في الAL محتاج تجيب

‏A 480/600

‏B 420/600

‏C 360/600

‏D 300/600

‏E 240/600

 

ملقتش الA* فوق ليه؟

عشان تجيب A* محتاج تجيب اكتر من 480 و يكون مجموع درجاتك في الP3 و الP4 على الأقل 180/200

نتمنى ليكم التوفيق و تابعونا لمعلومات اكتر

 

To Top