Academic Advising

IG Journey: Fitting your subjects to 5 sessions

📢📢 كتير بيسألونا دايماً عن موضوع عدد مرات الإمتحان و المفروض المواد تتقسم ازاي عشان متكونش مرات الامتحان اكتر من 5.

مبدأياً هنعمل تعريف بموضوع مرات الإمتحان.

كلمة Session بتعني المحاوله البيعملها الطالب.

النظام الثانوي البريطاني فيه عدد من المحاولات كل سنة بتقدمهم الهيئات المانحة التلاته Cambridge / Pearson Edexcel / Oxford AQA👇

May/June

و دا بيكون المحاولة الأساسية البتبدأ في شهر 9 الدراسة و بيمتحن الطالب في شهر مايو/ يونيو و دي بتتوفر فيها كل المواد لكل الهيئات المانحة في كل مستويات المواد IGCSE/OL/AS/A2.

October/November

و دي محاوله تانيه الطلاب بيدرسوا فيها المواد في مدة أقصر بتبدأ من شهر يوليو و بيمتحن الطالب في شهر أكتوبر و نوفمبر.

بتتوفر مواد

Cambridge: IGCSE/OL/AS/A2

Pearson Edexcel: AS / A2 و لكن هيتم تقديم المواد مستوى IGCSE بشكل استثنائي هذا العام بسبب جائحة كورونا

Oxford AQA: IGCSE

January

و دي محاولة تالته للطلاب بتبدأ الدراسة فيها في شهر سبتمبر و بيمتحن الطالب في شهر يناير

بتتوفر فيها مواد

Pearson Edexcel: IGCSE / AS /A2

Oxford AQA: AS / A2

👈السؤال هنا: أنا كطالب من حقي ادخل كام محاولة/ session؟

الجامعات في مصر بتطلب حد أقصى 5 sessions في 3 سنوات

المحاولة session بتتحسب امتى؟

بتتحسب لما بتقدم شهادة بيها للجامعة. يعني لو في اي محاولة الطالب مش عايز يستخدمها ميقدمهاش.

في حالة المواد ال ALevel في Pearson Edexcel هل ممكن أقسمها على sessions كتير من غير ما تتحسب؟

طبعاً لإن ممكن ال ALevel يتقسم ورقات فممكن في أي محاولة الطالب يدخل ورقة و بييجي عند اخر محاولة بيكون بيخلص فيها ال AS أو ال AL و بيعمل حاجة اسمها Cash-in-code و دا بيتجمع فيها درجات الورقات كلها و بيطلع Grade للمادة كلها.

لما بيتعمل cash-in-code بيتحسب المحاولة غير كده مش بيتحسب.

يعني لو الطالب حضر في دور يناير january ورقة واحدة من ال AL مش بتتحسب لانه معملش cash-in-code فيها.

To Top